Постојат приказни што никогаш не завршуваат.
Тие се пренесуваат понатаму, се менуваат и нè менуваат нас.
Легендата за настанувањето на Јадранското Море е една од нив — приказна за Бура и Југо, за Адрија и Велебит, за љубовта, загубата и преобразбата што го обликувала пејзажот каков што го познаваме денес.
Велат дека Адрија станала Јадранско Море, а Велебит — камен што бдее над неа. Дека ветровите останале како потсетник на сето она што некогаш се случило, но никогаш не исчезнало.
И денес Јадранот живее низ своите ветрови и расположенија — понекогаш нежен и блескав, понекогаш силен и див, а понекогаш тивок и замислен. Во тие промени секоја жена пронаоѓа дел од себе.
Инспирирани од легендата за преобразбата на девојката Адрија во Јадранско Море, пилинзите за тело L’ADRIA Body Polish и самите се преобразуваат при употребата. Имаат луксузна текстура на кремаст гранулиран балсам, а при допир со вода се претвораат во богато млеко што ја парфимира и интензивно ја негува кожата. Формулите со најмалку 92 % состојки од природно потекло* содржат нежни, но ефикасни абразивни честички — комбинација од шеќер и јадранска морска сол — како и маслинов сквалан што ја храни и обновува кожата. Интензитетот на ексфолијацијата лесно се приспособува: за поинтензивна ексфолијација нанесете го пилингот на сува кожа, а за понежна ексфолијација нанесете го на влажна кожа. Се користат по гелот за туширање, како последен чекор од ритуалот за нега при туширањето, за хранливиот мирисен слој што го оставаат да не се исплакне премногу од кожата. По масирањето, со додавање вода се претвораат во млеко што може да се исплакне повеќе или помалку, во зависност од степенот на нега што сакате да го постигнете. За поинтензивно дејство на негата, по туширањето доволно е третираните делови од кожата нежно да ги истапкате со крпа, за да не се избрише премногу од хранливиот слој. По ваквата употреба, кожата останува свиленкасто мека и негувана, како веќе да сте нанеле млеко за тело, а мирисот долго се задржува на неа. Парфемските мириси инспирирани од Јадранот ја раскажуваат приказната за неговите ветрови и емоции — од ведриот маестрал и смирувачката бонаца, до интроспективното југо и моќната бура.
Тргнете на мирисно патување низ Јадранското Море со овој хранлив ритуал за нега. Кој е Вашиот ветер? Можеби сите.
*според стандардот ISO 16128
